"Herbir insan tughulushtinla erkin sözlesh we pikir bayan qilish hoquqigha ige. Insanlarning pikir qilish, we herxil neshriyat wastilirida neshir qildurush, uchur bilen teminlesh erkinliki choqum tosqunluqqa uchrimasliq kérek."
Xelq’ara Qelemkeshler Uyghur Merkizi
Xelq’ara qelemkeshler uyghur merkizi dunyadiki 104 dölettin terkip tapqan 145 teshkilatning birsi bolup, dunyaning herqaysi jayliridiki yazghuchi, tetqiqatchi- ziyalilarning dostane birliki we pikir qilsh, neshir qilish, ipade erkinliki uchun küresh qilidighan, dunya edibiyatigha wekillik qilidighan organdur. Xelq’ara qelemkeshler uyghur merkizi uyghur we uyghur tilida yazidighan, oquydighan yazghuchi, sha’ir,tehrir, neshiryatchi, terjiman, tarix - arxologiye tetqiqatchiliri, film ishliguchiler we sen’etkar- tetqiqatchilardin terkip tapqan hokumetsiz, tapawetsiz xelq’aradiki a derijilik organdur. Uyghur qelemkeshliri sözlesh, yézish, oqush, pikir qilishta mejburi qisilwatqan yaki hoquq - erkinligidin mehrum qalghan weten ichi sirtidiki uyghurlar we herbir insanning metbu’at, til-yéziq, terjime hoquqini qoghdashni ozige mejburiyet qilghan.
Uyghur qelemkeshliri sözlishishni teshebbus qilidu, süküt qilishqa qarshi turidu. Uyghur qelemkeshliri xelq’ara xaraktérlik pa’aliyet élip bérip munasiwetlik dölet, organlargha xet yézish, fakis yollash, postkart ishlep tarqitish arqiliq jama’et pikri toplap turmigha qamalghan yaki metbu’at erkinliki boghulghan yazghuchi- tetqiqatchilarni azad qilishqa küch chiqiridu. Biz dunyaning herqaysi elliridiki türmige élin’ghan yazghuchi- oqurmenlerning qoyup bérilishi üchün, memliket, rayon da’irisidiki cheklimilerge qarshi pa’aliyet élip barimiz.
