YENGI >>Uyghur Qelem Paaliyetler<< KONA

Xelqara qelemkeshler merkizining 9-Nöwetlik türmidiki qelemkeshlerning heq-Hoquqini qoghdash yighini axirlashti


RFA Ixtiyariy muxbirimiz ekrem | 2011-03-29



3-Ayning 24-Küni bélgiye paytexti bryussélda bashlanghan xelqara qelemkeshler merkizining 9-Nöwetlik türmidiki qelemkeshlerning heq-Hoquqini qoghdash yighini 3-Ayning 27-Küni axirlashti.



Yighingha qatnashqan xelqara qelemkeshler uyghur merkizining reisi qeyser özhun ependi 3-Ayning 26-Küni ötküzülgen, xitaydiki qelemkeshler we uyghur, tibet qelemkeshliri mesilisi muhakime yighinida sözge chiqip, « yawa kepter» namliq esiri tüpeyli 10 yilliq qamaq jazasigha uchrighan nurmuhemmet yasin qatarliq uyghur qelemkeshlirining pajielik teqdiri toghrisida doklat berdi.



Türmidiki uyghur qelemkeshliri mesilisi yighin ehlining küchlük diqqitini jelp qildi. Uyghur qelemkeshler teshkilatining reisi qeyser özhun ependi bu teshkilatning uyghur qelemkeshliri mesilisini yillardin buyan otturigha qoyup kéliwatqanliqini, xelqara qelemkeshler merkizige tewe 145 teshkilat ezalirining uyghurlar heqqide chongqur chüshenchige ige ikenlikini tilgha aldi.



Uyghur Pen Paaliyetler

Qeyser özhun ependi, xelqara qelemkeshler merkizining her qétimliq yighinida nurmuhemmet yasin mesilisi arqiliq bir pütün uyghur mesilisini dunya yazghuchilirigha tonutup kéliwatqanliqini, bu qétimqi xelqaraliq yighindimu yüzligen dangliq yazghuchilargha uyghurlarning azabliq hayat kechmishlirini anglitish pursitige érishkenlikini, «yawa kepter» namliq eserning jemiy 40 xil tilgha terjime qilinghanliqini éytti.



Xelqara qelemkeshler merkizining b d t we yawropa parlaméntidimu mexsus wekilliri xizmet qiliwatqan bolup, 3-Ayning 26-Küni ular xelqara qelemkeshlerge wakaliten b d t we yawropa parlaméntida élip barghan paaliyetliri toghriliq doklat bérip ötken idi. Qeyser özhun ependi uyghurlar mesilisini ularning tirishchanliqi arqiliq b d t hem yawropa parlaméntigha anglitish imkanlirining barliqini, 2010-Yili nurmuhemmet yasin mesilisini anglitip ötkenlikini tilgha aldi.





Copyright © 1998-2011 Radio Free Asia. All rights reserved.





http://www.rfa.org/uyghur/xewerler/tepsili_xewer/qelemkeshler-merkizi-03292011131145.html/story_main?encoding=latin
http://www.rfa.org/uyghur/xewerler/tepsili_xewer/qelemkeshler-merkizi-03292011131145.html/u0329-ekrem.mp3/inline.html














Uyghur Qelem Paaliyet




Uyghur Pen

Valid XHTML 1.0 Strict Valid CSS!      W3C Validated website. Valid XHTML 1.0 Strict & CSS Level 2.1.     E_mail: web@uyghurpen.org  |  http://www.uyghurpen.org