<< KONA
Qeshqer wilayetlik türmidiki mehbus memtili rozining salametliki xeterlik ehwalda turmaqta
RFA xewri | Muxbirimiz shöhret hoshur 2011-03-07
Xitay hökümiti, 2009-Yili dékabirda kambodzhadin qayturup eketken 20 uyghurning ehwalini izchil halda sir tutup kelmekte.
Muxbirimizning yéqinqi igileshliridin melum bolushiche, mezkur 20 uyghurning terkibidiki mehbus memtili rozining salametliki xeterlik ehwalda turmaqta. Memtili rozi salametlikidiki bu jiddiy ehwalni yéqinda türme saqchilirigha arqa-Arqidin 3 qétim melum qilghan. Emma, alaqidar tarmaqlar memtili rozining hayati ölüm tehditi astida tursimu, uning dawalinish telipini ret qilghan.
Kambodzhadin qayturulghan uyghurlar nöwette qeshqer wilayetlik türmide yatmaqta. Bularning ichide mehbus memtili rozi qolgha élinishning aldida qatnash weqesige uchrighan bolup, weqede sol biliki éghir halda zeximlinip opératsiye qilinghan. Opératsiyide uning bilikige 3 dane tömür parchisi orunlashturulghan. Doxturlar shu chaghda uning bilikidiki tömürning 3 aydin kéyin éliwétishni buyrughan we eger éliwétilmise, hayatining jiddiy tehditke uchraydighanliqi eskertilgen. Nöwette memtili rozi qeshqer wilayetlik türmide yétiwatqinigha bir yildin ashti. Yéqinda igilishimizche, memtili rozining bilikidiki tömür hazirghiche éliwétilmigen.
Melum bolushiche, memtili rozi qolgha élinghan waqtidila, salametlikidiki bu ehwali saqchilargha melum qilghan. U yéqinda yene türme dairilirige 3 qétim iltimas sunup, salametlik ehwalining yamanliship kétiwatqanliqini bildürgen we dawalinishni, mezkur tömür parchilirini éliwétishni telep qilghan. Emma uning telipi ret qilishqa uchrighan.
Alaqidar xelqara qanunlarda, mehbuslarning salametlikining kapaletke ige qilinishi, dawalinish heqqi bolushi kérekliki éniq békitilgen. Xitay qanunliridimu bu nuqta oxshashla tekitlengen. Emma, memtili rozining xanimi gülbahar sadiq yoldishining qolgha élinghandin béri bu xil heqqining bolmighanliqini, hetta ehwalini uqushqimu imkan bolmighanliqini, nöwette uning ehwalidin jiddiy halda endishe qiliwatqanliqini bildürüp ötti.
Xitay qanun organliridin qanaetlinerlik jawabqa érishelmigen gülbahar xanim, xelqara teshkilatlarni yoldishining ehwalini sürüshte qilishqa we ammiwi heriketlerni qozghap, yoldishining hayatiy bixeterlikining qoghdilishigha yardemde bolushqa chaqirdi.
Xewer menbesi:
Xewrni anglash:
Xelq'ara Kechurum Teshkilatning Memet Eli Rozi toghursida chiqargha jiddy herket chaqiriqi:
Copyright © 1998-2011 Radio Free Asia. All rights reserved.
